करणीमुद्दाका फरार अभियुक्त लुहार सत्र बर्षपछि पक्राउ

कञ्चनपुर,
जबरजस्तीकरणी मुद्दामा फरार एक अभियुक्त पक्राउ परेका छन ।

करणी मुद्दामा दोषी ठहर भई फरार भएका अभिययुक्तलाई कञ्चनपुर प्रहरीले पक्राउ गरेको हो ।
करणी मुद्दाका फरार अभियुक्त बेलौरी नगरपालिका २का राजेन्द्र लुहारलाई ईलाका प्रहरी कार्यालय बेलौरीले पक्राउ गरेको छ ।

जिल्ला प्रहरी कार्यालय कञ्चनपुरका सुचना अधिकारी भरतराज गिरीले १७ बर्ष अघि करणी मुद्दामा कञ्चनपुर जिल्ला अदालतबाट कैद सजाय तोकेका लुहारलाई पक्राउ गरी अदालत पेश गरिएको बताए ।

४ जेठ ०६२ सालमा कञ्चनपुर जिल्ला अदालतले लुहारलाई ७ बर्ष कैद भुक्तानका लागि फैसला गरेको थियो । लुहारले कैद भुक्तान नगरेर लुकिछिपी बस्दै आएका थिए । झण्डै डेढ दशकदेखि लुकिछिपी रहेका लुहारलाई प्रहरीले घरबाटै पक्राउ गरी अदालत पेश गर्दै जेल चलान गरिएको छ ।

अपराध गरेपछि एक दिन अवश्य कानुनको घेरामा आउनुपर्ने घटनाले देखाएको छ । १७ बर्ष अघि अपराध गरेका लुहार जेल चलान भएका छन । अपराध लुक्न र छिप्न नसकिने यस घटनाले समेत देखिएको छ ।