अपराध नियन्त्रण र अनुसन्धानद्धारा समाजमा शान्ति स्थापना गरी मानव अधिकारको संरक्षणमा प्रतिवद्ध रहने ः नयाँ कञ्चनपुर प्रहरी प्रमुख थापा

कञ्चनपुर,
कञ्चनपुरमा नयाँ प्रहरी उपरीक्षक र प्रहरी नायव उपरीक्षकको आगमन भए संगै पत्रकारहरुसंग परिचयात्मक कार्यक्रम गरिएको छ ।

प्रहरी उपरीक्षक कमल थापा र प्रहरी नायव उपरीक्षक प्रकाश डाँगी जिल्लामा आएपछि पत्रकारहरुसंग परिचयात्मक कार्यक्रम गरिएको हो । परिचयात्मक कार्यक्रमा प्रमुख थापाले शान्ति सुरक्षा अमनचयन कायम गराउन आफु कठिवद्ध भएर लाग्ने बताए ।

जिल्लामा शान्ति सुरक्षालाई चुस्तदुरुस्त राख्न सबै तह र तप्काको साथ र सहयोगको अपेक्षा लिएको उनले बताउदै कानुनी राज्यको मुल अवधारणाबाट निर्दिष्ट रही प्रभावकारी अपराध नियन्त्रण र अनुसन्धानद्धारा समाजमा शान्ति स्थापना गरी मानव अधिकारको संरक्षणमा प्रतिवद्ध रहेर कार्य गर्ने जनाए । एसपी थापालाई सिआईबीमा साढे ४ वर्ष काम गरेको लामो अनुभव समेत रहेको छ ।