बेलडाँडी,
रौलेश्वर जनता आदर्श बहुमुखी क्याम्पस स्ववियु निर्वाचनमा सचिव बाहेक अनेरास्ववियुको पुरै प्यानल विजयी भएको छ ।
आईतबार भएको स्ववियु निर्वाचनमा रौलेश्वर जनता आदर्श बहुमुखी क्याम्पस स्ववियु सभापतिमा दिलेन्द्र प्रशास बडु निर्वाचित भएका छन् ।
बडुले नेविसंघका गजेन्द्र उपाध्यायलाई २९ मतान्तर हराएका हुन् । बडुले १०९ मत ल्याएका थिए भने उपाध्यायले ८० मत ल्याएका थिए । यस्तै सचिवमा नेविसंघका दिनेश जोशीले ९५ मत, उहाँका प्रतिस्पर्धी अनेरास्ववियुका भाष्कर भट्टले ९३ मत प्राप्त गर्नुभयो ।
कोषाध्यक्षमा १०९ मत सहित अनेरास्ववियुका भानुमी ऐरी निर्वाचित भएका छन् । उहाँका प्रतिस्पर्धी नेविसंघका कविता शाहीले ८३ मत प्राप्त गरेका थिए । सदस्यहरूमा अनेरास्ववियुका बलसिंह बुढाले ११३, बसन्ती डगौराले ११०, लक्ष्मण भट्टले १०६, वविता बमले १०६ र बिपना ताम्राकारले ९६ मत प्राप्त गरी निर्वाचित भएको क्याम्पस निर्वाचन कार्यालयले जनाएको छ ।
नेविसंघ प्यानलबाट सदस्यका उम्मेदवार दीपेन्द्र भट्टले ९५, शिल्पा गिरीले ८४, पूजा दमाईले ८२, हिमांशु विकले ८१ र विमला लुहारले ७८ मत प्राप्त गर्दै हारबेर्होनु परेको थियो । यस क्याम्पसमा अनेरास्ववियु नेविसंघ अखिल क्रान्तिकारी लगायतका संठनहरु सितको गठवन्धनका विरुद्ध एक्लै चुनावी मैदानमा होमिएको थियो ।
उक्त क्याम्पसमा जम्मा २६९ विद्यार्थी रहेका थिए भने १९३ मत मात्र खसेका थिए ।
सभापति, सचिव र कोषाध्यक्ष तथा ५० प्रतिशत सदस्य प्रत्यक्ष निर्वाचन प्रणाली र उपसभापति, सहसचिव र ५० प्रतिशत सदस्य समानुपातिक निर्वाचन प्रणालीबाट निर्वाचित हुने व्यवस्था रहेको छ ।
Discussion about this post