तीन दिन देखि बेपत्ता बेलडाँडीका एक नाबालक अझै भेटिएनन्, प्रहरीद्धारा खोजी कार्य तिब्र

बेलडाँडी,
तीन दिन देखि बेपत्ता भएका बेलडाँडीका एक नाबालक अझै भेटिएका छैनन् ।

शुक्रबार साझ साढे ५ देखि बेलडाँडी गाउँपालिका–५ मामा घर देखि २१ महिने नाबालक विवेक पन्त बेपत्ता भएको प्रहरीले जनाएको छ । हराएका नावालक बेलौरी १० भुडा घरभएका बुवा मनोज पन्त र आमा सरस्वती पन्तका छोरा हुन ।

घरय्यासी खटपटले डेढ बर्ष देखि सरस्वती माईती घर बस्दै आएकी थिइन् ।

बेलडाँडी इलाका प्रहरी प्रमुख प्रहरी निरीक्षक पुस्कर पन्तका अनुसार बालक हराएको सुचना पाउने बित्तिकै प्रहरी टोलीले खोजी कार्य तथा अनुसन्धान थालेको बताए । हिजो मात्र उनको घर पछाडी रहेको पानीको खाल्डो सफाई गरि हेरेको बताउदै चौंतर्फी रुपमा खोजीतलासी गरिरहेको जनाए ।

श्रीमान श्रीमती विच सम्वन्ध विग्रेकाले उनीहरू विच सम्बन्ध विच्छेदको मुद्वा अदालती प्रक्रियामा रहेको समेत प्रहरीले जनाएको छ ।

बेलडाँडी–५ का वडा अध्यक्ष ईन्द्र बहादुर खडकाका अनुसार बालक हाराएको प्रति चिन्ता गर्दै आफुहरुको टोली र स्थानीयहरु समेत खोजी कार्यमा खटिएको बताए । सबै पक्षबाट खोजी कार्यमा सहयोग भए बालक छिट्टै भेटिने आशा व्यक्त गर्नु भयो ।

यस्तै बालकका बुवा मनोज पन्तले भने माइती पक्षबाट बाबुलाई आफन्तका घरमा लुकाएको छ की भन्ने संका गरेको थिए त्यहाँ हेर्दा समेत बाबु नभेटिए पछि अव संका गर्ने ठाउँ कहि कतै नरहेको बताए । सबै पक्षलाई बाबुको खोजी गरिदिन वहाँले आग्रह गर्नु भयो ।

उहाँले भने माइती पक्षले आफुलाई व्यापार व्यवसाय गर्नका लागि १ लाख दिएको र पछि १ लाखको ठाउँमा २ लाख माग्न थालेपछि मनमुटाब बढेको बताए । उनले भने अलग बस्नु र सन्वन्ध विच्छेद गर्ने आफुबाट कुनै ठुलो कारण नभएको बताउदै श्रीमती र माइती पक्षले मेरो आमाबुवालाई अनावश्यक आरोप लगाउन थाले पछि सम्वन्ध विच्छेद सम्म पुगेको स्वीकार गरे ।

वालकको हुलिया ;– बर्ण गहु गोरो पातलो शारिर उचाई २ फिट ६ ईन्च भएको लामो कालो खैरो रंङ्गको कपाल भएको रातो हरियो संगको टि सर्ट सेतो टाउजर लगाएको दाया हातमा रक्षा धागो बाधेको वाया हातमा कालो धागो बाधेको छ ।