नेपाल रेडक्रसले बनायो अछाममा ५० वटा अस्थायी टहरा

अछाम,

नेपाल रेडक्रस सोसाईटीले अछाम जिल्लामा ५० वटा अस्थायी घर टहरा निर्माण गरेको छ ।

यस भन्दा अघि पटक – पटक आएको भुकम्पले बस्न नसकिने गरि चर्किएका घर परिवारको लागि स्थानीय स्रोत साधनको प्रयोग गरि बासका अस्थायी टहरा निर्माण गरिदिएको हो ।

जिल्लाको मंगलसेन नगरपालिका, साफेबगर नगरपालिका र चौरपाटी गाउँपालिकामा अस्थायी टहरा निर्माण कार्य अन्तिम चरणमा पुगेको कार्यालयले जनाएको छ ।

भुकम्पले घरमा क्षति पु¥याएपछि बस्दै आएको घर छोडेर खुला आकाश मुनि पाल टागेर बसीरहेका नागरिकका लागि रेडक्रसले बासका आकर्षक घरहरु निर्माण गरिदिएपछि अहिले स्थानीय खुसी भएका छन ।

नेपाल रेडक्रस सोसाईटी द्धारा संचालित सुदुरपश्यिम भुकम्प प्रतिकार्य कार्यक्रम अन्र्तगत मंगलसेन नगरपालिकामा १० वटा, साफेबगर नगरपालिकामा २० वटा र चौरपाटी गाउँपालिकामा २० वटा गरि ५० वटा अस्थायी घर टहरा निर्माण कार्य सम्पन्न भई केही पिडित घर परिवारलाई बुझाई सकिएको नेपाल रेडक्रस सोसाईटी अछामका सभापति रत्न प्रसाद ढुंगानाले बताउनुभयो ।

प्रति परिवारलाई ९८ हजार बराबरको अस्थायी घर टहरा निर्माण गरिएको हुदा ५० वटा घरको लागि ४९ लाख ३० हजार रुपैया खर्च हुने र पहिलो किस्ता सम्बन्धित घर परिवारलाई बुझाएर घर निर्माण कार्य अन्तिम चरणमा पुगेको नेपाल रेडक्रस सोसाईटी नेपालका लैगिंक तथा समावेशीकरण अधिकृत ऋतु खड्काले जानकारी दिनुभएको छ ।

पिडित घर परिवारको लागि पहिलो किस्ता स्वरुप १९ लाख ३० हजार दिई सकिएको र बाकी दोस्रो किस्ता आउनेक्रम जारी रहेको खड्काले बताउनुभयो । अछाम जिल्लामा ८ सय ९ वटा घरहरु पुर्ण रुपमा क्षति भएकाले रेडक्रसले ५० जनालाई मात्रै सहयोग गरेकाले बाकी ७ सय ५९ जनाको व्यवस्थापन गर्न चुनौती थपिएको बताउनुभयो ।

बासका अस्थायी टहरा पनि आकर्षक तरिकाले निर्माण गरिदा अहिले स्थानीय पनि खुसी भएका मंगलसेन नगरपालिका वडा न ४ की एकल महिला टंक देवी धामीले बताउनुभयो । घर भुकम्पले बस्न नमिल्नेगरि चर्कियो रेडक्रसले अस्थायी रुपमा भएपनि बाँसको राम्रो बस्ने घर निर्माण गरिदिन लागेपछि आफुलाई निकै सहज भएको धामीको भनाई छ ।

आफ्नो घरमा साहारा कोहीपनि थिएन रेडक्रसले यस्तो सहयोग गर्दा आफुहरुको साहारा भएको बताउनुभयो । अब स्थानीय सरकारले घर निर्माणका लागि सहयोग गर्नुपर्ने माग समेत गर्नुभएको छ । अस्थायी घर टहरा संगै रेडक्रसले ३ वटै पालिकाका १ सय २ जनालाई मौसमी सहयोग समेत गरेको छ । मंगलसेन नगरपालिकामा ३१, साफेबगर नगरपालिकामा ३५ र चौरपाटी गाउँपालिकामा ३६ जना महिलाहरुलाई मौसमी सहयोग गरेको छ ।

भुकम्प बाट बढि प्रभावित घर परिवारका महिलाहरुलाई मौसमी सहयोग गरिएको हो । महिलाहरुलाई सामान्य आफ्नो घर खर्च चलाउन सहज होस भन्ने उदेश्यले मौसमी सहयोग गरिएको खड्काले अछामको पहिलो दैनिक पत्रिका रामारोशन दैनिक संग बताउनुभयो ।

यस्ता घट्नाहरु घट्दा सबैभन्दा बढि महिला तथा बालबालिकाहरु बढी प्रभावित हुने भएकाले उनीहरुलाई लक्षित गर्दै मौसमी सहयोग कार्यक्रम संचालन गरेको बताउदै यसले महिलाहरु खुसी भएको प्रतिकृया दिनुभएको छ ।

यो रकम सम्बन्धित महिलाहरुको खातामै पठाउनुपर्ने भएकाले स्वयम महिलाहरुकै खातामा रकम पठाईएको र यो क्रममा धेरै महिलाहरुको बैंकमा खाता नै नभएकाले धेरैलाई नागरिकता बनाएर खाता समेत खोल्न लगाएको बताउनु भएको छ ।

यसले गर्दा महिलाहरुलाई अन्य कुरामापनि फाईदा पुगेको बताउनुभयो । यसलेम समावेशीकरणको कुरालाई पनि उतिकै जोड दिएको हुदा महिला तथा बालबालिकालई यो कार्यक्रमले बढि प्राथामिकता दिएको बताउदै यो कार्यक्रमले वास्तविक महिलाहरुलाई निकै सहज भएको जानकारी गराउनु भएको छ ।

तर साफेबगर नगरपालिका वडा न १२ खप्तडका दुईजना बालकलाई सरोकारवालाको रोहबरमा नगद सहयोग गरिएको छ । आमा बुवा दुबैजना रोजागरीको शिलशिलामा भारत गएको र घरमा दुईवटा बच्चा मात्रै हुदा उनीहरुलाई घरमै गएर नगद हस्तान्तरण गरिएको हो ।

पाएको रकम बाट दाल, चाम, नुन र आफ्नो पढाईको लागी आवश्यक सामाग्री खरिद गर्ने बताएका छन । रेडक्रसले आफुहरुलाई यसरी सहयाृग गरेपछि कडायतका दाईभाई निकै खुसी भएका छन । नयाँ बर्षको मुखैमा १५ हजार रुपैया पाएपछि नयाँ बर्षमा लगाउन मिल्ने लुगाफाटो किनमेल गर्नपनि सहज हुने उनीहरुको भनाई छ ।

यति मात्रै होईन नेपाल रेडक्रस सोसाईटीले भुकम्पको कारणले मानसिक तनाव झेली रहेका ब्यक्तिहरुलाई परामर्श संगै बालबालिकाको लागि विद्यालय स्तरमा विभिन्न किसीमका सामाग्री समेत सहयोग भईरहेको जानकारी दिनुभयो ।

यसले गर्दा धेरैजनालाई सहयोग पुगेको विश्वाश व्यक्त गर्नुभएको छ । यति मात्रै होईन रेडक्रसले ५ वटा खानेपानीका योजना निर्माण गर्नुका साथै १२ वटा सेनेटरी प्याड डिस्पोजल गर्ने खाल्डाहरु निर्माण गरेको छ । नेपाल रेडक्रस सोसाईटी अछामले अछाम जिल्लामा स्थानीय सरकार संग पनि प्रभावकारी ढंगले समन्वय गर्दै यस्ता सामाजिक कार्यहरु गर्दै आएको छ ।

अछाम जिल्लामा गत भदौमा आएको बाढिले धनजनको क्षति पु¥याएका पालिकामा गएर पिडित घर परिवारलाई तत्काल आवश्यक राहात वितरण गरेको थियो भने पिडित घर परिवारका लागि आवश्यक परामर्श समेत दिएको थियो । नेपाल रेडक्रस सोसाईटीले अछाम जिल्लामा विगत लामो समय देखी परोपकारी क्षेत्रमा कामगर्दै आईरहेको छ ।

अछाम जिल्लामा संचालन भएका हरेक सामाजिक अभियानमा नेपाल रेडक्रस सोसाईटीले अछाम जिल्लामा नेतृत्वदायी भुमिका खेल्दै आएको शाखा अध्यक्ष रत्न प्रसाद ढुंगानाले जानकारी दिनुभएको छ ।