बेलडाँडी १५ सैया अस्पताल निर्माणका क्रममा विस्थापितहरुद्धारा आफुहरुको व्यवस्थापन गरिदिन माग

बेलडाँडी,
कञ्चनपुरको दक्षिणी क्षेत्र बेलडाँडी गाउँपालिकामा पन्ध्र सैया अस्पताल निर्माणका क्रममा विस्थापितहरूद्वारा आफुहरुको व्यवस्थापन गरिदिन माग गर्दै आएका छन् ।

विगत लामो समय देखि आफुहरुले चलनभोग गरेको जमिनमा पालिकाले १५ सैया अस्पतालका लागि जग्गा खालि गराएपछि उनीहरु विस्तापित भएका थिए ।

पालिकाले सो जग्गामा बस्दै आएका ९ परिवार मध्ये २ परिवार सुकुम्वासी रहेको भन्दै दुई परिवारलाई अर्को व्यवस्था नभए सम्मका लागि अन्त व्यवस्था गरेको र हामी विस्तापित हरुलाई पनि त्यसरी नै व्यवस्थापन गरिदिन उनीहरुले माग गरेका छन् ।

सो क्षेत्रबाट विस्तापित भएका भैरव सिंह बिष्टले भने पालिकाले हामीहरुको व्यवस्थापन गरिदिनु पर्ने माग बारम्वार राख्दै आएको बताए । उनका अनुसार आफुहरुले लामो समय देखि उक्त क्षेत्रमा बसोबास गर्दै आएको बताउदै उनी २ परिवार जस्तै हामी ७ परिवारको समेत व्यवस्थापनका लागि माग गर्दै आएको जनाएका छन् ।

उनीहरुले गरेको मागको विषयमा छलफलमा ल्याउने पालिकाले जनाएको छ । पालिकाले सबै मध्ये २ परिवार भूमिहनि सुकुम्वासी भएको जनाउदै उनी दुई परिवारलाई तत्काल बस्ने घरको व्यवस्थापन गरिदिएको छ ।

केहि महिना पुर्व पालिकाले पटक-पटक ठाउँ खालीको पत्राचार गर्दा समेत कसैले वास्ता नगरेपछि पालिका डोजर चलाउन बाध्य भएको थियो । सो क्षेत्रमा अहिले १५ सैया अस्पतालको कार्य धमाधम भइरहेको छ ।