असार लागेसंगै विकासको चटारो सुरु पहिलो दिनमै ३ अर्ब बढीको भुक्तानी

काठमाडौँ :

यसअघिकै निरन्तरता असार लागेसँगै बजेट खर्चको चटारो सुरु भएको हो । महालेखा नियन्त्रण कार्यालयका अनुसार असारको पहिलो दिनमा नै सरकारी कोषबाट ३ खर्ब भन्दा बढी भुक्तानी भएको छ । कार्यालयका अनुसार यस्तो भुक्तानी एकै दिन पुँजीगत विकास खर्चतर्फ १ अर्ब ६४ करोड ४५ लाख रुपैयाँ बराबरको भएको छ भने चालु नियमित खर्चतर्फ १ अर्ब ३६ करोड ६२ लाख रुपैयाँ बराबर भएको छ ।यद्यपि, चालु आर्थिक वर्षको ११ महिना बितिसक्दा पनि हालसम्म कुल बजेट कार्यान्वयनको ६५।५६ प्रतिशत मात्र सफलता हात लागेको छ ।

महालेखा नियन्त्रणको कार्यालयका अनुसार असार १ गतेसम्म चालूतर्फ ८ खर्ब ७७ अर्ब ३९ करोड ४४ लाख रुपैयाँ अर्थात् विनियोजित बजेटको ७४।१५ प्रतिशत बजेट खर्च भएको छ भने पुँजीगत खर्चतर्फ १ खर्ब ५३ अर्ब ८ करोड ४२ लाख रुपैयाँ ४०।२४ प्रतिशत मात्र खर्च हुन सकेको छ ।यसले पनि सरकारमाथि पुँजीगत खर्च बढाउन दबाब परेको छ । यसअघि रोकिएका भुक्तानी रिलिज गर्ने देखि बाँकी अधुरा कामलाई समपन्न
र्गदा बढी कसरत गर्दा असार महिनामा बढी बजेट खर्च हुने देखिन्छ ।

यता, राजस्वतर्फ भने ११ महिना बित्दा सबैगरी लक्ष्यको ६०।३६ प्रतिशत अर्थात् ८ खर्ब ८० अर्ब ३८ करोड ७९ लाख रुपैयाँ उठ्न सकेको अवस्था छ । सरकारले चालु आर्थिक वर्षमा राजस्व, गैर राजस्व, अनुदान र अन्य गरी कूल १४ खर्ब ५८ अर्ब ६० करोड ५३ लाख रुपैयाँ सङ्कलन गर्ने लक्ष्य राखेको थियो । रातोपाटी बाट साभार