पुनर्वास,
राष्ट्रिय स्वतन्त्र पार्टी, पुनर्वास नगर समितिले राष्ट्रिय धान दिवशकाे उपलक्ष्यमा किसानकाे खेतमा धान राेपी दिवश मनाएको छ ।
पुनर्वास ५ नं. काे वडा समितिका उप सभापति हिरा रानाकाे खेतमा धान राेपी स्वतन्त्र पार्टीले धान दिवश मनाएकाे हाे । कार्यक्रममा नगर सभापति सुरेश गजुरेल, क्षेत्रीय समिति आनन्द सुवेदी, माधव कुमार राेक्का, नगर सदस्य कृष्ण नाथ, ईन्द्र बिक, वडा सदस्य जित बहादुर राना तथा सदस्यहरु गाेपी खडका, बिष्णु उपाध्य, नर बहादुर राेकाया, रमेश बाेहाेरा, रबिन्द्र कुमार नकर्मी लगायतकाे स्थानीय कृषकहरुकाे सहभागीता रहेकाे थियाे ।
मानाे राेपी मुरी फलाउने याे बेलामा किसानसंग जाेडिई उनीहरुलाई सहयाेग गर्न याे कार्यक्रम गरेकाे नगर सभापति गजुरेलले बताउनु भयाे । त्यसै गरि उत्पादन र खाध्य सुरक्षामा कृषककाे अहम भुमिका रहने सभापति गजुरेलले बताउनु भयाे ।
राज्यले मल, बिउकाे सहज उपलब्धतामा कृषकलाई सहयोग नगरेकाे गुनासाे स्थानीय कृषकहरुले गरेका थिए ।
पछिल्लो समयमा विभिन्न पार्टी परित्याग गरेर राष्ट्रिय स्वतन्त्र पार्टीलाई एक नम्बरको पार्टी बनाउने उद्देश्यले लाग्नुभएका पार्टी कार्यकर्ता र पार्टीका जिम्वेवार नेताले आफूले गर्ने जनताका हितमा काम जैले पनि तत्परताका साथ लाग्नुपर्नेमा जोड दिएका थिए ।
Discussion about this post