कञ्चनपुर, साउन २९ ।कञ्चनपुरको भीमदत्त नगरपालिका उपप्रमुख निलम लेखक(जोशी)ले नगरको वाढीप्रभावित क्षेत्रको स्थलगत अनुगमन गरेकी छिन ।
दुई सातादेखि अबिरल रुपमा परिरहेको बर्षातका कारण महाकाली नदी सहित चुरेबाट बग्ने खोलानालामा आएको वाढीले कटानी सहितका डुवान, सडक अवरुद्ध गरिएका क्षेत्रमा निरन्तर उपप्रमुखले अनुगमन गर्दै आएकी हुन ।
भीमदत्त नगरकी उपप्रमुखले वाढी प्रभावित क्षेत्रमा निरन्तर काम गर्दै आएकी छिन । उपप्रमुखको सचिवालयका अनुसार भीमदत्त नगरपालिका १४स्थित शान्ति आधारभूत विद्यालय डुवान क्षेत्र, भीनपा ८ र १० जोड्ने नालाको कटानी क्षेत्र, भीनपा ९ ब्रम्हदेब कटानी क्षेत्र, भीनपा ११भुजेला नदी सहितका विवित कटानी क्षेत्रको स्थलगत अनुगमन गरेकी छिन ।
झिलमिला र खल्ला मछेटी सडक अवरुद्ध भएको स्थानको समेत अनुगमन गर्दै जेसिभी लगेर खल्लामछेट्टी र झिलमिलाको सडक खुलाउने काम शुरु गरिएको छ ।
अहिलेको वाढी प्रभावित क्षेत्रमा उपप्रमुखले निरन्तर सकृयता देखाएपछि स्थानीय समेत हर्षित भएका छन ।
भीमदत्त नगरकी उपप्रमुख निलम लेखक(जोशी)ले वाढीबाट प्रभावित जनतासंग भेटघाट, प्रभावित क्षेत्रको अनुगमन गर्दै पुर्ननिर्माणदेखि तटबन्धका कार्यक्तम संचालन गरिने बताईन ।
उपप्रमुख जोशीले जनताको समस्या मध्य नजर गर्दै पालिका तर्फबाट सक्दो सहयोग गर्ने प्रतिबद्धता जाहेर गरेकी छिन ।
Discussion about this post