सशस्त्र प्रहरीद्वारा सीमावर्ती दोधाराचाँदनीबाट प्रतिबन्धित अवैध कुखुरा बरामद

90
VIEWS

कञ्चनपुर, ७भदौँ । सशस्त्र प्रहरीले सीमावर्ती कञ्चनपुरको दोधाराचाँदनी नगरपालिका क्षेत्रबाट प्रतिबन्धित कुखुरा बरामद गरेको छ ।

सशस्त्र प्रहरी बल ३५ नम्बर गण मातहत रहेको प्रस्तावित सीमा सुुरक्षा गुल्म देविस्थानबाट खटिएको टोलीले प्रतिबन्धित कुखुरा बरामद गरेको हो ।

बिहीबार बिहान दोधाराचाँदनी ७ कञ्चनभोजमा भारतबाट नेपालतिर तस्करी भईरहेको अवस्था प्रतिबन्धित बोईलर कुखुरा बरामद गरिएको सशस्त्र प्रहरीले जनाएको छ ।

सशस्त्र प्रहरी बल ३५ नम्बर शैलेश्वरी गणका गणपति प्रेम बहादुर रावलले भारतबाट अवैध रुपमा तस्करी भईरहेको अवस्थामा २क्विन्टल १५ किलो बोईलर कुखुरा बरामद गरेर नष्ट गरिएको बताए । उनका अनुसार सात महिनाको अवधीमा भारतबाट अवैध रुपमा भित्रिन लागेको चार हजार, ८३५ किलो अवैध बोईलर कुखुरा बरामद गरेर नष्ट गरिएको छ ।

५ भदौँमा गृह मन्त्रालयले सीमा क्षेत्रमा अवैध चोरीतस्करी नियन्त्रण गर्ने सर्कुलर जारी गरेपछि पनि दोधाराचाँदनी देविस्थानको प्रस्तावित सशस्त्र प्रहरीको गुल्मले प्रतिबन्धिक कुखुरा बरामद गरेको छ ।

देविस्थान सशस्त्र प्रहरीका गुल्मपति सशस्त्र प्रहरी नायब उपरीक्षक भीम बहादुर चन्दले दोधाराचाँदनी सीमावर्ती क्षेत्रमा सीमा सुरक्षादेखि चोरी तस्करी नियन्त्रण गरेको भन्दै शैलेश्वरी गणले पुरस्कृत गरेको थियो ।

सशस्त्र प्रहरीले दोधाराचाँदनीमा गैर कानुनी चोरीतस्करी नियन्त्रण गर्न थालेपछि तस्कर समुह त्रसित भएका छन ।

Discussion about this post

सम्बन्धित समाचार

Related Posts

लोकप्रिय समाचार